攪笑醫生

Dr Fei Fei

Hello! Ｈi! 我係攪笑醫生 —— 飛飛醫生呀! 我識唔識飛? 答案就係…… 當然識啦! 不過是在夢裏。只要集中意志在手掌同腳掌上，要向上升起就要把意志反方向推，要有一定既專注力架。 不過，離開地面、高樓大廈、海面、樹上，在天空上飛翔真的很自由自在，很舒服。 見到我服飾上的圖案嗎? 蝴蝶、仙子、甲蟲、蜜蜂，仲有背面的飛機和飛碟，全都識飛的，你發現了未? 在我身上，你數到有多少隻會飛的昆蟲? 吖！你的觀察力真的很強呀！為什麼這麼利害?！ 好了！你發現了，没錯，有一個圖案是不會飛的——太陽伯伯。 當然呀，没有太陽伯伯，那飛行的時候就太危險了！太陽伯伯是在守護我們呀！ 你知道嗎? 飛飛醫生我身上有很多百寶袋，每一個都盛載着驚喜！想知道口袋裏的秘密，那要喚出我的名字，給我一句讚美或一個飛吻！

Dr KK

Hi大家好，我係KK醫生。 歡迎各位來到我的搞笑醫生診症室。 在這裡，我會為大家帶來既攪笑，又古怪，仲帶點神奇的攪笑醫生治療。 無論你係因為唔開心、覺得悶、想發下白日夢、還是好得閒冇咩嘢做，都可以來到我的診症室。 除了有歡樂攪笑、古靈精怪、神奇魔法式的特別療程之外，你可以在我的診症室內學下魔術，扭下氣球，又可以參加唔係人人做得到的魔法大挑戰，更可以同我一齊開箱全新的魔術道具，分享奇幻魔術之旅，還有唱下歌仔講下故仔傾下夢想玩下IQ題!!! 總之來到我的診症室必定不會令你失望而回，只會樂而忘返。 最後，我KK醫生更會用奇特的方法將自己變走，作為今次夢幻歡笑治療之完結，讓你期待下一次的再見。

Dr Lala

Hello 大家好！我係Lala醫生啊！ 不過大家千萬唔好講錯喔，唔係Lili醫生，唔係Lulu醫生，都唔係lolo醫生，係Lala醫生至啱！ 只要大家同我一齊唱：Do re mi fa so “LA”……就可以記住我個名啦！ 當我開心的時候，我會唱：lala lala lala…… 當我唔開心的時候，我會話：哎，Lala……當我遇到麻煩事的時候，我會講：今次真係Lala啦…… 我最中意就是收集不同的聲音：有發出bibi聲的小豬；有發出尖叫聲的傻雞；有扮鴨叫聲的哈哈笑先生；仲有我個漢堡包都可以發聲架！再仔細一聽：我的鼻子、我的下巴、我的額頭、我的耳朵、我的頭髮、我的手臂、背脊、屁股……都會發聲喔！！！點解Lala醫生全身都會發聲？！啊！原來因爲我吃了一個發聲的漢堡包啊！ 最後Lala醫生都要幫自己打一支針，打什麽針？就是【打氣加油針】啦！當然這支針不單單打到我身上，我會打到每一位小朋友身上！點解？因爲我要幫大家打氣加油啊！這樣就會充滿力量啦！！

Dr. Amy

我喺Dr Amy，我住喺地球村一個近山嘅小屋，我每日都會站在窗邊，向窗外望，就見到一座高高低低嘅小山坡，同埋好似Lego積木，唔同顏色嘅小屋。 告訴你哋一個秘密，我擁有一個神奇嘅功能，我平日很喜歡食嘢，但食極都唔會肥！我仲很喜歡說故事，除了跟小朋友說故事丶畫圖畫，我仲識得同唔同嘅動物傾偈，但冇人相信我有呢種超能力，我屋企有一隻黃色大貓，佢叫「阿肥」，我經常同佢傾偈！ 唔知你哋又有冇啲超能力呢！不妨畫俾我，或者寫低俾我知！

Dr. Bibi

Hi,我係Dr BiBi 我住係哈哈笑國😃😃 我係一個喜歡大笑的人,笑可以忘記憂慮,笑可以減少病痛,所以我好鐘意笑架🥰 每個星期一,我都會去一個好大遊樂園,遊樂園有好多朋友仔等我,我仲會帶好多玩具去架,有飛機、大炮、火箭同長長火車,唔少得緊係有神秘禮物添 好多人都會期待見到我,一聽到笑聲就知道我到咗 我仲會打扮得好靚靚,戴住飛天帽,穿著花花衫仲有汽車鞋,週圍開動,係咪好想見到我呢！ 咁我約定你係哈哈笑國等你啦!

Dr. Gum

大家好！我係甘柑醫生， 在小丑村莊中身型大隻，喜歡四處找美食， 上山又搵，落海又搵， 喜歡與村民分享有趣事同物。 但有次上山摘生果，因為笨手笨腳 而跌落很多生果， 我快手地執起它，但其他又再跌下， 這個狀況，村民來看都捧腹大笑。 小丑村莊的村長走嚟同我講， 分享快樂，除咗美食， 可以利用其他表演使他們心情開朗， 學習其他技能，又可以使你身型更健康， 我學了很多雜耍，魔術，摺紙， 雖然過程中有點笨拙，使他人開心我也感覺到快樂。 但有一天，村長從醫院出來後愁眉苦臉， 他告知我在醫院內做療程時的苦事， 於是我下定決心前去醫院內做表演， 將我經歷過嘅開心事， 無論大事小事都會分享畀佢哋知。